ធ្នូ 29 2012

Best Sleep Positions

Generally speaking, side or back sleeping is the best. I say this because true stomach sleepers must wrench their necks to either side. When you are a small child, it works because you can turn your head 90 degrees to either side. As you get older, this becomes more difficult and you can end up with a strained neck. Back and side sleeping will keep your spine in its best alignment.
Sometimes, snorers, sleep apnea sufferers, or people with heartburn/acid reflux may have some difficulty with these sleep positions.
However, with a good neck pillow that opens up the sinuses and restores the neck curve, apnea and snoring are much improved. With a slight incline, reflux disease can be improved also.
A neck pillow also keeps your head level when you are on your side. Put a pillow between your knees and you keep your legs and pelvis level too.
Which is your sleeping position??

ធ្នូ 24 2012

របៀបរៀបចំកាលវិភាគសិក្សា

កាលវិភាគស្វ័យសិក្សា គឺជាចំណែកមួយយ៉ាងសំខាន់ដែលជួយឲ្យសិស្សនិស្សិតទទួលបានជោគជ័យគ្រប់សមរភូមិប្រឡង។ កាលវិភាគធ្វើឲ្យសិស្សនិស្សិតចំណាយពេលវេលាប្រកបដោយប្រសិទ្ធភាព និងជួយបញ្ជៀសការសម្រុករៀនទាំងបង្ខំ (ក្របីបាត់ទើបធ្វើរបង ដល់ពេលប្រឡងទើបខំរៀន)។ ដើម្បីរៀបចំកាលវិភាគឲ្យបានល្អចូរគិតដល់ចំនុចដូចខាងក្រោម៖

១. បែងចែកពេលវេលាជាចំណែកៗ ពោលគឺរៀន៥០នាទី សម្រាក១០នាទី។

២. បែងចែកពេលវេលាសម្រាប់ដំណេកយ៉ាងហោចណាស់ពី៧ទៅ៨ម៉ោងរាល់យប់។ ប្រការសំខាន់គួរចូលគេងពីម៉ោង១០យប់ដល់ភ្លឺ។

៣. រៀបចំពេលវេលាឲ្យបានគ្រប់គ្រាន់សម្រាប់ការបរិភោគអាហារ។

៤. បែងចែកពេលវេលាសម្រាប់លំហាត់ប្រាណ និងទំនាក់ទំនងជាមួយសង្គមខាងក្រៅ ពីព្រោះការរស់នៅមិនមែនសម្រាប់តែការសិក្សាមួយមុខទេ។

៥. គួរយកពេលថ្ងៃជាពេលសម្រាប់សិក្សា ព្រោះតាមការស្រាវជ្រាវបង្ហាញថា ការរៀននៅពេលថ្ងៃ១ម៉ោងមានប្រសិទ្ធភាពស្មើនឹងការរៀន១ម៉ោងកន្លះនៅពេលយប់។

៦. គួរលៃម៉ោងសម្រាប់រំលឹកមេរៀនរយៈពេលខ្លីៗមុននិងក្រោយពេលរៀនមុខវិជ្ជានីមួយៗនៅសាលា។

៧. ចូរប្រើប្រាស់ម៉ោងទំនេរដែលអ្នកធ្លាប់តែខ្ជះខ្ជាយពីមុន។

៨. ក្នុងកាលវិភាគនីមួយៗគួរជៀសវាងរៀបរាប់លំអិតពេក។

អត្ថបទ៖ សាលារៀន

ធ្នូ 23 2012

ធ្វើម៉េចទើបក្លាយជាអ្នកអានដ៏ពូកែម្នាក់?

ការអានដែលល្អ មិនមែនត្រឹមតែ ចេះបញ្ចប់ដោយការគ្រប់គ្រងល្បឿន និងការបញ្ចេញសំឡេង ត្រឹមត្រូវនោះទេ។ ជាអ្នកពូកែអានម្នាក់ មានន័យថា អានរហ័សយល់។ ហើយជំនាញនេះមិនមែនផ្ដល់អត្ថប្រយោជន៍តែនៅក្នុងថ្នាក់ ប៉ុន្តែ គឺសម្រាប់ការអភិវឌ្ឍខ្លួនអ្នកពេញមួយជីវិត។ ដើម្បីក្លាយជាអ្នកដែលពូកែអានម្នាក់ មិនចាំបាច់ទាល់តែអ្នកដែលចូលចិត្តអានតាំងពីកំណើតដែរ តែសូមអានចំណុចដូចខាងក្រោម៖

១. អានឲ្យបានច្រើន ៖ ចាប់ ផ្ដើមអនុវត្តការអានឲ្យបានច្រើនចាប់ពីពេលនេះ។ បុគ្គលដែលពូកែអាន( សូម្បីតែអ្នកពូកែសរសេរ) គឺជាមនុស្សដែលអានគ្រប់រឿង ហើយអានច្រើន។ ការអនុវត្តអានច្រើននេះធ្វើឲ្យអ្នក ចាប់ផ្ដើមដឹងពីរឿងរ៉ាវ ចំណេះដឹង ជាច្រើន ព្រមទាំងអាចដឹងពីចំណុចខុសប្លែកគ្នា ការប្រើសញ្ញា ការសរសេរកើតឡើងផ្ទួនៗ និងដឹងពីប្រភព ដែលជួយឲ្យអ្នកអានលឿន ហើយកាន់តែងាយយល់។

២. សរសេរ៖ ការសេរនេះ គឺដើម្បីចាប់យកអ្វីដែលអ្នកបានរៀនតាមរយៈការអានរបស់អ្នក និងជួយបន្ថែមសេចក្ដីឈ្លាសវៃរបស់អ្នក។ ពេលដែលសរសេរនេះ អ្នកនឹងរកឃើញ ព្រមទាំងដឹងពីតិចនិក ដែលកវីសរសេរ ហើយ ការដឹងនេះ នឹងជួយសម្រួលដល់ការអានអ្នកដូចគ្នា។

៣. បើកចិត្តឲ្យទូលាយ៖ ចាំ ថាប្រសិនជាអ្នកមានអារម្មណ៍មិនល្អ គិតថាសៀវភៅនេះអន់ នោះវានឹងទៅតាមនោះដែរ។ ការពិតអ្វីៗ គឺពឹងផ្អែកលើជំនឿ និងការរំពឹងទុករបស់អ្នក។ ដូចនេះសូមបើកចិត្តទូលាយ ថាសៀវភៅទាំងនោះសុទ្ធតែមានប្រយោជន៍សម្រាប់អ្នក នោះទើបអ្នកអានដោយយកចិត្តទុកដាក់ ឬអានបានល្អ។

៤. ការប្រុងប្រយ័ត្ន៖ អ្នកគួរដឹងថា រាល់អត្ថបទ ឬរឿងក្ដី អ្នកនិពន្ធតែងតែ ព្យាយាមធ្វើឲ្យសំណេរនោះខ្លីតាមដែលអាចធ្វើបានដោយរក្សាចំណុច សំខាន់ ឬអត្ថន័យទាំងស្រុង។ ដូចនេះអ្នកគួរអានដោយប្រុងប្រយ័ត្ន កុំរំលង ទោះបីជាអត្ថបទនោះវែងក្ដី។

៥. បើកវគ្គបំប៉នបន្ថែម៖ ការអានបានល្អ ក៏ពឹងលើការហ្វឹកហាត់ដែរ ។ នេះជាការហ្វឹកហាត់ សម្រាប់ខ្លួនឯងនិងជួយអ្នកដទៃដែរ។ អ្នកអាចបើកជាក្លឹបអ្នកអានសៀវភៅរឿង ជាមួយមិត្តភ័ក្ដិជាដើមក៏អាចជួយអ្នក សិក្សាពីតិចនិកអានរបស់អ្នកទាំងនោះផងដែរ។

៦. រីករាយ និងមានការផ្សារភ្ជាប់៖ អ្នកពូកែអានដាច់ខាតត្រូវរកឲ្យឃើញពីភាពរីករាយក្នុងការអាននេះ។ អ្នកពូកែអានគឺជាអ្នកអានដ៏រីករាយ។ ប្រសិនបើអ្នកធ្វើបាននោះមានន័យថាអ្នក នឹងទទួលបានរង្វាន់ ជាចំណេះដឹង និងការយល់ដឹងថ្មី ក៏ដូចជាក្ដីរំពឹងថ្មីមួយក្នុងជីវិតអ្នក៕